D’fhoilsigh an Banc Ceannais inniu (12 Iúil 2021) sraith torthaí agus ionchais óna athbhreithniú ar fud an tionscail ar chomhlíonadh an Rialacháin um Dhrochúsáid Mhargaidh (MAR). Scrúdaigh an t-athbhreithniú seo an chaoi a bhfuil gnólachtaí rialaithe, eisitheoirí agus comhairleoirí a ghníomhaíonn thar ceann eisitheoirí ag comhlíonadh a n-oibleagáidí chun a chinntiú go bhfuil socruithe eagraíochtúla éifeachtach maidir le riosca drochúsáide margaidh a mhaolú agus trédhearcacht an mhargaidh a chinntiú. Is féidir an foilseachán a fháil anseo .
Cuireann MAR trédhearcacht an mhargaidh chun cinn agus cuireann sé cosc ar dhrochúsáid mhargaidh. Tá sé ríthábhachtach go gcomhlíonfaidh gach rannpháirtí ábhartha sa mhargadh MAR chun sláine an mhargaidh a chaomhnú. Baineann iompar neamhdhleathach ar mhargaí airgeadais an bonn de shláine an mhargaidh, cuireann sé bac ar thrédhearcacht, agus laghdaíonn sé muinín i margaí urrús. Chun go mbeidh muinín ag infheisteoirí sna margaí urrús, ní mór dóibh a bheith muiníneach go bhfuil margaí trédhearcach agus saor ó mhí-iompar amhail drochúsáid mhargaidh.