D’fhoilsigh an tÚdarás Eorpach um Urrúis agus Margaí (ESMA) a thuarascáil inniu “Gníomhaíochtaí forfheidhmithe agus rialála na bhforghníomhaithe Eorpacha in 2020” .
Soláthraíonn an Tuarascáil forbhreathnú ar ghníomhaíochtaí an ESMA agus na bhforghníomhaithe cuntasaíochta Eorpacha agus iad ag scrúdú comhlíonadh ráitis airgeadais agus neamhairgeadais eisitheoirí Eorpacha. Cuirtear i láthair leis tuilleadh gníomhaíochtaí a chuidíonn le cóineasú maoirseachta agus le forbairt leabhar rialacha aonair i réimse an tuairiscithe corparáidí.
Scrúdaigh forghníomhaithe cuntasaíochta an AE 729 ráiteas airgeadais a tarraingíodh suas faoi IFRS, a chlúdaigh thart ar 17% de na heisitheoirí atá liostaithe ar mhargaí rialaithe an AE. Ba é an toradh a bhí ar na scrúduithe seo ná gníomhartha forfheidhmithe i gcoinne 265 eisitheoir chun aghaidh a thabhairt ar imeacht ábhartha ó IFRS, arb ionann é agus ráta gníomhaíochta 38%.
D’eascair 132 gníomh forfheidhmithe eile as scrúdú a dhéanamh ar ráitis neamhairgeadais (39 gníomh) agus cur i láthair agus nochtadh na mbeart malartach feidhmíochta i dtuarascálacha bainistíochta (93 gníomh).
Dhírigh iarrachtaí ESMA chun an cóineasú maoirseachta a mhéadú in 2020 ar:
Tá IAASA ina rannpháirtí gníomhach sna Seisiúin Chomhordaithe Forfheidhmithe Eorpacha (EECS) arna urrú ag an ESMA. Is é cuspóir EECS gníomhaíochtaí forghníomhaithe Eorpacha a chomhordú chun cóineasú a mhéadú i measc na bhforghníomhaithe cuntasaíochta náisiúnta Eorpacha agus rannchuidiú le muinín infheisteoirí a chothú.
Is féidir teacht ar thuarascáil ÚEUM anseo .